Kryetari i kryetarëve apo Mbikryetari

Hashim Thaçi ka angazhime të mëdha, veç trupi i tij e di se sa vështirë është t’i përballojë gjithë këto ngarkesa:

Kryetar i Kosovës, por qe, domnosdo, duhet përdorur një term të huaj: president;

Kryetar i Partisë Demokratike të Kosovës;

Kryetar i Lidhjes Demokratike të Kosovës;

Kryetar i Nismës Socialdemokrate të Kosovës;

Kryetar i Partisë Socialdemokrate të Kosovës;

Kryetar i Listës serbe;

Kryetar i fraksioneve të të gjitha partive politike të Kosovës;

Kryetar i Gjykatës Kushtetuese të Kosovës;

Kryetar i Prokurorisë së Kosovës;

Kryetar i Këshillit Gjyqësor të Kosovës;

Kryetar i Gjykatës së Apelit të Kosovës;

Kryetar i Odës së Avokaatëve të Kosovës;

Kryetar i AIK-ut (Shërbimi sekret i Kosovës);

Kryetar i Drejtorisë së Policisë së Kosovës;

Kryetar i Bankës Qendrore të Kosovës;

Kryekryetar i Komisionit Qendror të Zgjedhjeve;

Kryetar i Shoqatës së të ashtuquajturve të Burgosur Politikë të Kosovës, alias Shoqatës së lakejve të Hashim Thaçit;

Kryekryetar i KMLDNJ-së;

Kryetar i Veteranëve të Luftës së UÇK-së;

Kryetar i Odës së Afaristëve të Kosovës;

Kryetar i të gjitha pronave publike të Kosovës;

Kryetar i Burgjeve të Kosovës;

Kryetar i KEK-ut;

Kryetar i KEDS-it;

Kryetar i Radiotelevizionit të Kosovës;

Kryetar i Sindikatave të Kosovës;

Kryetar i personazheve të Dick Martit;

Kryetar i klientëve të Gjykatës Speciale, alias Dhomave të Specializuara;

Kryetar i Tymit, i Mjegullës, i Reve dhe i Pluhurit të Kosovës;

Kryetar i Agjencive të Sigurimeve (të automjeteve etj…) të Kosovës;

Kryekryetar i Akademisë së Shkencave dhe Arteve të Kosovës;

Kryetar i Lidhjes së shkrimtarëve të Kosovës;

Kryetar i Teatrove të Kosovës;

Kryetar i Analistëve të Kosovës;

Kryetar i medieve të varura e të pavarura të Kosovës;

Kryetar i Shoqatës së Gurëthyesve të Kosovës;

Kryetar i Aeroportit “Adem Jashari“;

Kryetar i Shoqatës së pompave të benzinës të Kosovës;

Kryetar i mullixhinjve të Kosovës;

Kryetar i Universiteteve dhe shkollave publike e private të Kosovës;

Kryetar i hoteleve të Kosovës, ku takohen fshehuraazi burra e gra, nga tuta se po i sheh syni i keq;

Kryetar i shtëpive gjysmëpublike të Kosovës;

Kryekryetar i Bashkësisë Islame të Kosovës;

Kryetar i Ajrit të Kosovës;

Kryetar i Lumenjve (të futur nëpër gypa) të Kosovës;

Kryetar i maleve të masakruara të Kosovës;

Kryetar për blerjen falas të pronave të kaçakëve të Kosovës;

Kryetar i Fondit pensional të Kosovës;

Kryetar i privatizuesve të pasurive publike të Kosovës;

Kryetar i Krimit të Organizuar në Kosovë;

Kryetar i Pandemisë coronavirus në Kosovë;

Kryetar i të gjithë gjuetarëve të Kosovës;

Kryetar i Udbashëve të Kosovës;

Kryetar i Shikut të Kosovës;

Kryetar i përpjekjeve për ndarjen e Kosovës;

Kryetar i Shoqatës së Pëllumbagjinjve të Kosovës;

Kryetar për korrigjimin e kufijve të Kosovës;

Kryetar i Shoqatës së Karaxhozve të Kosovës;

Kryetar i snaiperistëve të rrjeteve sociale të Kosovës;

Kryetar i Shoqatës së restoraneve të Kosovës;

Kryetar i kullerave të Kosovës në politikë dhe në medie;

Kryetar i Operatorëve që i përgjojnë telefonat dhe vezhgojnë korrespondencën digjitale të  qytetarëve të Kosovës gjithandej nëpër botë;

Kryetar i Ambasadorëve të Kosovës, të ngarkuar me përfaqësimin e interesave private të kryetarit të Kosovës;

Kryetar i Konsujve dhe diplomatëve të Kosovës që, në vend të Serbisë,  e kanë për detyrë syrvejimin e mërgimtarëve që demaskojnë Prontomafinë;

Kryetar i deputetëve dhe lugetërve të internetit të ngarkuar për intriga kundër kryetares së Kuvendit të Republikës, Vjosa Osmani;

Kryetar i urithëve dhe i merimangave të Kosovës;

Kryetar i Shoqatave përkatëse për konvertimin e shqiptarëve katolikë në muslimanë dhe të shqiptarëve muslimanë në katolikë;

Kryetar i rexhizorëve të dramës “Syri i popullit“;

Kryetar i Shoqatës për kultivimin e bullicave dhe buajve të Kosovës;

Kryetar i kopshteve zoologjike të Kosovës;

Kryetar i ndërtimeve pa leje gjithandej nëpër Kosovë;

Kryetar i Shoqatës së hajdutëve që i thejnë dhe i vjedhin shtëpitë e mërgimtarëve në Kosovë;

Kryetar i Shoqatës së ahengegjinjve që festojnë duke shtëenë me armë;

Kryetar i të gjitha shoqatave të gazetarëve, të kodoshëve dhe të dilixhinjve të Kosovës;

Kryetar i të gjitha kacave të rasojit dhe të laknave turrshi…

Se gati harrova, he i mjeri unë:

Kryetar i rexhizorëve të debateve televizive të Kosovës…

Shkrimi është i mbrojtur, në rast kopjimi duhet të shënohet burimi dhe të mos ndryshohet përmbajtja e tij.