Shkruan:
Xhafer Shatri
A mos jeni bërë xeher me mbledhjet provokative e të neveritshme të Kuvendit të Republikës së Kosovës, sa ta harroni edhe Ditëlindjen e Gjergj Kastriotit (Duke i shkruar këta rreshta më shkoi mendja: athua a mos lidhet, 6 maji, Dita e Shën Gjergjit me Ditëlindjen e Shqiptarit më të Njohur e më të Nderuar? Nëse është kështu athua pse ndryshon data vetëm për një ditë…) ?
A mos jeni zhgënjy nga rezultatet e zgjedhjeve në Shqipëri sa ta harroni pranverën që na ka gëzu?
A mos jeni frikësu nga parada e Putinit në Moskë, sa ta harroni edhe Ditën e Nënave?
Nëse ju ka ndodhur kjo, dijeni se do të më zhgënjeni çdonjëri e çdonjëra prej jush.
Në këtë rast, nuk di çka t’ju them tjetër, veçse merrni frymë thellë e kqyrne qiellin përpjetë!
Dhe kështu e bashkë të dëshmojmë se jemi iliriane-ë !
Nëse nuk keni harru’, ata, të parët tanë, kur lodheshin nga budallakitë dhe hipokrizia e prijësve të tyre ose kur i kërcënonte ndonjë rrezik, i luteshin Diellit që e konsideronin mbret të fatit të tyre dhe i thoshin :
Ndihmona pak, o Jetë, se vdekjen dimë ta bëjmë vetë.
Shkrimi është i mbrojtur, në rast kopjimi duhet të shënohet burimi dhe të mos ndryshohet përmbajtja e tij.
Be the first to comment