Shkruan:
Xhafer Shatri
Dje u bënë 190 vjet nga kryengritja e skllëverëve të Virgjinias, në SHBA.
Kryengritjen e organizoi dhe e udhëhoqi prijësi e predikatori zezak Nat TURNER (1800-1831). Si duket shkas për kryengritje u bë përdhunimi i gruas së tij nga tre banditë të bardhë.
Kryengritësit për dy ditë vranë rreth 60 pronarë të bardhë që silleshin barbarisht me skllëvërit; i torturonin mizorisht, ua perdhunonin fëmijët e gratë dhe i detyronin të punojnë në plantazhet e pambukut etj., deri në rraskapitje e alivani.
Kryengritja e përgjakshme u shua shpejtë dhe disa qindra kryengritës, afroamerikanë, përfunduan në litar.
Pas disa muajsh, më 30 tetor 1831, Nat Turner e arrestuan dhe u dënuan me vdekje. Më 11 nëntor 1831 e varën në litar.
Jeta e tij e bujshme u përjetësua përmes librit “Rëfimi i Nat Turner“ dhe filmit “Lindja e një kombi“.
Shkrimi është i mbrojtur, në rast kopjimi duhet të shënohet burimi dhe të mos ndryshohet përmbajtja e tij.
Be the first to comment