VITI I KTHESËS SË MADHE

24 shkurti i vitit 2022, është një datë historike për krejt botën e sidomos për Ukrainën, për Evropën dhe për Kosovën.

Rusia, shteti me njërën prej dy ushtrive më të mëdha në botë, e sulmoi Ukrainën fqinje. E sulmoi për pikë të qejfit, thjeshtë për ta nënshtruar, për t’ia mohuar përgjithmonë identitetin dhe kombformimin.

Por Putini, ky hitlerofil, i kishte bërë hesapet pa hanxhinë:

– Nuk mundi ta pushtojë Ukrainën;

– Nuk arrijti ta përçajë Perëndimin;

– Nuk arrijti ta përçajë NATO-n…!

Ndodhi krejt e kundërta:

– Ukraina, jo vetëm nuk u nënshtrua, por e mundi ushtarakisht Rusinë;

– Ukraina, ani se me ekonomi të shkatërruar po bëhet vendi dhe kombi kryesor në Evropën Qendrore;

– Amerika u këndell nga trashëgimia teveqele e Trumpit dhe rimori rolin e udhëheqësit planetar!

– NATO, u forcua edhe për dy anëtarë të rinj fqinjë të drejtpërdrejtë të Rusisë, Suedinë dhe Finlandën;

– Gjermania u zgjua nga gjumi i thellë dhe vendosi të bëhet faktor rëndësor ushtarak në Evropë…

Lufta në Ukrainë pati edhe një ndikim madhor në të ardhmen e Kosovës dhe të shqiptarëve:

– Rusia më kurrë nuk do të ketë mundësi ta përcaktojë fatin tonë;

– Serbisë i është zvogëluar fusha e manovrimit, ajo vetëm ka mbetur t’i përtypë sukseset që korri, në dekadën që shkoi, nga fajet e pafalshme të elitave politike të Kosovës, të cilat e rropën vendin dhe i nxorën në pazar integritetin dhe sovranitetin e saj…

Prandaj Lufta në Ukrainë është një luftë rëndësore edhe për Kosovën!

Slava Ukraini!